|
|
 |
| (GMT+08:00)
2005-01-24 10:02:20
|
 |
|
ດົນຕີເສບດ້ວຍຂຸ່ຍທີ່ບັນເລງໂດຍຈາງເວີຍລຽງ(ສຽງ)
cri
Author: huachunmei
ທ່ານຈາງເວີຍລຽງເປັນຄົນດຸໝັ່ນຮຳຮຽນແລະກ້າປະດິດສ້າງ, ທ່ານບໍ່ພຽງແຕ່ເປົ່າຂຸ່ຍເກັ່ງທໍ່ນັ້ນ, ຫາກຍັງຊ່າງເສບເຄື່ອງເປົ່າພື້ນເມືອງແນວອື່ນນຳອີກ. ການເສບຂອງທ່ານບໍ່ພຽງແຕ່ສາມາດເສບດ້ວຍວິທີດັ້ງເດີມທໍ່ນັ້ນ, ຫາກຍັງມີການເສບແບບໃໝ່ອີກ.
ທ່ານຜູ່ຟັງທີ່ໂຄລົບ, ທີ່ພວມຟັງຢູ່ນີ້ແມ່ນດົນຕີເປົ່າດ້ວຍຂຸ່ຍທີ່ຊື່ວ່າ"ລຽງສ່ຽວ" ແປວ່າ"ລາຕີດີງາມ" ເສບໂດຍທ່ານຈາງເວີຍລຽງ. ແຕ່ເດີມ ດົນຕີແມ່ນເສບດ້ວຍຊໍອູ້, ພາຍຫຼັງມາຈິ່ງຮຽບຮຽງເປັນດົນຕີທີ່ເສບດ້ວຍຂຸ່ຍ, ແລ້ວບັງເພີ່ມສຽງເພງແລະສຽງເຄື່ອງດົນຕີປະເພດດີດ, ບວກກັບການປັບປຸງບາງຢ່າງໃນວິທີບັນເລງ, ເຮັດໃຫ້ສຽງດົນຕີຍິ່ງມ່ວນກວ່າເກົ່າ.
ທ່ານຈາງເວີຍລຽງເຄີຍໄປສະແດງຢູ່ອາເມລິກາ ໂອຕຼິສ ຝຣັ່ງ ອັງກິດ ເຢຍລະມັນແລະຍີ່ປຸ່ນເປັນຕົ້ນ, ໄດ້ຮັບຄວາມຊົມເຊີຍຫຼາຍຈາກຜູ່ຊົມຂອງບັນດາປະເທດ.
ຕໍ່ໄປເຊີນທ່ານຟັງດົນຕີເປົ່າຂຸ່ຍ"ອູຖົງແຢ້"ທີ່ແຕ່ງໂດຍທ່ານຈາງເວີຍລຽງ, ນີ້ແມ່ນດົນຕີບົດທຳອິດຂອງທ່ານ, ເຊິ່ງໄດ້ໝູນໃຊ້ສຽງຂຸ່ຍອັນອ່ອນໂຍນ, ມາວາດພາບທິວທັດທຳມະຊາດ, ແລະສະແດງຈິດອາລົມຂອງຄົນທັງຫຼາຍ.
ໃນຫຼາຍປີມານີ້, ທ່ານຈາງເວີຍລຽງໄດ້ອັດຈຳໜ່າຍແຜ່ນ CD ຫຼາຍສິບແຜ່ນ ຄື, "ຊຽວເຕີຊື້ແຈ້" ແປວ່າ "ໂລກຂຸ່ຍ"ແລະ"ສາຢີ" ແປວ່າ"ຝົນນ້ຳຊາ"ເປັນຕົ້ນ, ໃນນັ້ນ, "ສາຢີ"ໄດ້ຮັບຄວາມນິຍົມຊົມຊອບທີ່ສຸດ. ຕອນມ້ວນທ້າຍຂອງລາຍການພາກນີ້, ເຊີນທ່ານຟັງດົນຕີທີ່ຊື່ວ່າ"ແຢ້ລໍ້ຊີຈືຫູ"ແປວ່າ"ດວງເດືອນແຄມໜອງຊີຈື" ເຊິ່ງແມ່ນດົນຕີບົດໜຶ່ງໃນປະມວນດົນຕີ"ສາຢີ", ດົນຕີປະມວນນີ້ລ້ວນແຕ່ຖືນ້ຳຊາເປັນເນື້ນໃນຕົ້ນຕໍ, ທ່ານຈາງເວີຍລຽງໄດ້ວາດພາບນ້ຳຊາ ພາບວິວທິດທັດ ດົນຕີແລະຈິດອາລົມເຊື່ອມໂຍງເຂົ້າກັນຢ່າງກົມກຽວ, ສະແດງໃຫ້ເຫັນພາບຊີວິດຂອງປະຊາຊົນຢູ່ພາກໃຕ້ແມ່ນ້ຳຢາງເຊຂອງຈີນ.
ທ່ານຜູ່ຟັງທີ່ໂຄລົບ, ລາຍການນັດພົບໃນວັນອາທິດພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທີ່ທ່ານຮັບຟັງ ພົບກັນໃໝ່ໃນອາທິດໜ້າ, ສະບາຍດີ!
1 2
|
|
|
