|
ສ.ປ.ປ.ເກົາຫຼີກ່າວລື້ມຫຼັກໝັ້ນໃນບັນຫານີວເຄຼຍຂອງແຫຼມເກົາຫຼີອາເມລິກາປະຕິເສດບໍ່ຮັບຮູ້ວ່າຕົນໄດ້ວາງເວລາກຳນົດສຸດທ້າຍຕໍ່ການຈັດການເຈລະຈາຫົກຝ່າຍຄືນໃໝ່
cri
Author: Q
ຕາມຂ່າວສານຊິນຮວາ,ວັນທີ8ມັງກອນ,ຢູ່ພຽງຢາງ,ໂຄສົກກະຊວງການຕ່າງປະເທດສ.ປ.ປ.ເກົາຫຼີໄດ້ໃຫ້ສຳພາດຕໍ່ສື່ມວນຊົນ,ກ່າວລື້ມຫຼັກໝັ້ນຂອງສ.ປ.ປ.ເກົາຫຼີກ່ຽວກັບບັນຫານີວເຄຼຍຂອງແຫຼມເກົາຫຼີ.ກ່າວເນັ້ນວ່າ,ຂໍກະແຈຂອງການແກ້ໄຂບັນຫານີວເຄຼຍແຫຼມເກົາຫຼີແມ່ນອາເມລິກາປະລະນະໂຍບາຍທີ່ເປັນປໍລະປັກກັນກັບສ.ປ.ປ.ເກົາຫຼີ.
ນີ້ແມ່ນໂຄສົກກະຊວງການຕ່າງປະເທດສ.ປ.ປ.ເກົາຫຼີໃຫ້ສຳພາດຕໍ່ສື່ມວນຊົນເປັນຄັ້ງທຳອິດກ່ຽວກັບບັນຫານີວເຄຼຍຂອງແຫຼມເກົາຫຼີແຕ່ເຂົ້າສູ່ປີ2005ມານີ້.ທ່ານກ່າວວ່າ,ຂະບວນວິວັດແກ້ໄຂບັນຫານີວເຄຼຍຂອງແຫຼມເກົາຫຼີໄດ້ເລື່ອນເວລາໄປຕັ້ງຫຼາຍເທື່ອ,ໜ້າທີ່ຮັບຜິດຊອບ ແມ່ນຢູ່ນຳອາເມລິກາໝົດ.ອາເມລິກາກ່າວວ່າ,ບໍ່ມີເຈດຈຳນົງຮຸກຮານສ.ປ.ປ.ເກົາຫຼີ,ແຕ່ທີ່ຈິງແລ້ວພັດຖືການໂຄ່ນລົ້ມລະບອບຂອງສ.ປ.ປ.ເກົາຫຼີເປັນຈຸດປະສົງ,ຊູຊີຮຽກຮ້ອງໃຫ້ສ.ປ.ປ.ເກົາຫຼີປະລະແຜນການນີວເຄຼຍກ່ອນ.
ນອກນີ້,ຂ່າວແຈ້ງວ່າ,ວັນທີ8ມັງກອນ,ທ່ານນາງດາລາໂຈດານໂຄສົກກະຊວງການຕ່າງປະເທດອາເມລິກາໄດ້ປະຕີເສດບໍ່ຮັບຮູ້ວ່າອາເມລິກາໄດ້ວາງເວລາກຳນົດສຸດທ້າຍຕໍ່ການຈັດການເຈລະຈາຫົວຝ່າຍກ່ຽວກັບບັນຫານີວເຄຼຍຂອງແຫຼມເກົາຫຼີຄືນໃໝ່.
|
|
