|
|
 |
| (GMT+08:00)
2004-11-30 10:47:07
|
 |
|
ບັນດາກອງປະຊຸມອາຊຽນຈະນຳເອົາໂອກາດພັດທະນາອັນໃຫມ່ແກ່ລາວ----ສຳພາດທ່ານຊູນິງນິງ ກຳມະການຝ່າຍຈີນຂອງຄະນະມົນຕີວຽກງານການຄ້າຈີນອາຊຽນ
cri
Author: sayvanny
ທ່ານຊູນິງນິງຍັງເຫັນວ່າ:
ປະຈຸບັນ ທ່ານເວີ່ນເຈ່ຍປາວ ນາຍົກລັດຖະມົນຕີຈີນພວມຢ້ຽມຢາມຢູ່ສປປລາວ, ນີ້ເປັນການສະແດງເຖິງຜູ່ນຳຈີນເອົາໃຈໃສ່ການຂະຫຍາຍການພົວພັນກັບລາວເປັນພິເສດ,ມັນກໍ່ຈະມີບົດບາດຊຸກຍູ້ການພັດທະນາເສດຖະກິດການຄ້າລະຫວ່າງຈີນລາວຢ່າງຕັ້ງຫນ້າ.
ລະຫວ່າງຈີນລາວມີໄມຕີຈິດມິດຕະພາບມາແຕ່ດົນນານ, ຈີນກັບລາວມີເງື່ອນໄຂດ້ານພູມສັນຖານສະດວກທີ່ສຸດທີ່ຂະຫຍາຍການຮ່ວມມືເສດຖະກິດການຄ້າແລະການພົວພັນໄມຕີຈິດ.ທ່ານນາຍົກເວີ່ນເຈ່ຍປາວຢ້ຽມຢາມສປປລາວແມ່ນສະມາ ຊິກຕົ້ນຕໍໃນຫມູ່ຄະນະນຳຮຸ້ນໃຫມ່ຂອງຈີນຢ້ຽມຢາມລາວເປັນຄັ້ງທຳອິດ.
ວັນທີ 28 ພະຈິກ, ໃນເວລາເຈລະຈາກັບທ່ານບຸນຍັງ.ວໍ ລະຈິດ ນາຍົກລັດຖະມົນຕີສປປລາວ,ທ່ານນາຍົກເວີ່ນເຈ່ຍປາວກໍ່ໄດ້ວາງຂໍ້ສະເຫນີສີ່ຂໍ້ກ່ຽວກັບການເພີ່ມທະວີມິດຕະພາບແລະການຮ່ວມມືລະຫວ່າງຈີນລາວຄື ຍົກລະດັບການຮ່ວມມືເສດຖະກິດການຄ້າ ເພີ່ມທະວີການການຮ່ວມມືໃນຂົງເຂດພະລັງງານ ຊັບພະຍາກອນບໍ່ແຮ່ແລະພື້ນຖານໂຄງລ່າງເປັນຕົ້ນ, ຊຸກຍູ້ການຄ້າເຂດຊາຍແດນຂະຫຍາຍຕົວຢ່າງສືບເນຶ່ອງ ປອດໃສແລະມີລະບຽບ, ເຮັດໃຫ້ການຮ່ວມມືເສດຖະກິດການຄ້າໃນຂອບຫລາຍຝ່າຍໃຫ້ແຫນ້ນແຟ້ນຍິ່ງຂຶ້ນ.
ທ່ານຊູນິງນິງ ກຳມະການຝ່າຍຈີນຄະນະມົນຕີການຄ້າຈີນອາຊຽນເຫັນວ່າ, ຄຽງຄູ່ກັບການສ້າງທາງຫລວງຈາກແຂວງຢຸນນານຈີນໄປຮອດແຂວງຫລວງພະບາງຂອງລາວສຳເລັດໃນອະນາຄົດ, ຈະມີວິສາຫະກິດຈີນຍິ່ງຫລາຍໄປລົງທຶນຢູ່ລາວ, ເຂົ້າຮ່ວມການກໍ່ສ້າງປະເທດລາວ.ທ່ານເວົ້າວ່າ:
ເນຶ່ອງໃນໂອກາດການຢ້ຽມຢາມຂອງທ່ານເວີ່ນເຈ່ຍປາວເທື່ອນີ້, ຈີນກັບລາວຈະເຊັນເອກະສານຮ່ວມມືເສດຖະກິດຫລາຍສະບັບ.ຂ້າພະເຈົ້າເຊື່ອວ່າ, ອະນາຄົດແຫ່ງການຮ່ວມມືລະຫວ່າງຈີນລາວແມ່ນກວ້າງຂວາງທີ່ສຸດ, ເປົ້າ ຫມາຍທີ່ລັດຖະບານຈີນລາວຕົກລົງກັນທີ່ໃຫ້ຍອດມູນຄ່າການຄ້າລະຫວ່າງສອງຝ່າຍໃນປີ 2005 ບັນລຸ 200 ລ້ານໂດລາສະຫະລັດນັ້ນແມ່ນສາມາດບັນລຸຜົນເປັນຈິງໄດ້.
1 2
|
|
|
