ຕາມ​ຂ່າວcri: ວັນ​ທີ 29 ສິງຫາ ​ເວລາ​ທ້ອງ​ຖ່ິນ,ງານ​ກິລາ​ໂອ​ລິ​ມປິກ​ອາ​ແຕນ​ໄດ້​ເຂົ້າສູ່​ມື້​ທີ 16, ໃນການແຂ່ງຂັນກ່ອນນີ້ມື້ໜ່ຶງ,ຄະນະ​ນັກ​ກິລາ​ຈີນ​ຊິງ​ໄດ້​ຫລຽນຄຳ 4 ຫລຽນ,ຍອດ​ຈຳນວນ​ຫລຽນ​ຄຳ​ທ່ີ​ຈີນ​ໄດ້​ຮັບບັນລຸ​ເຖິງ 31 ຫລຽນ,ລ່ືນ​ກາຍ​ຍອດ​ຈຳນວນ​ຫລຽນ​ຄຳທ່ີ​ຈີນ​ໄດ້​ຮັບ​ໃນ​ງານ​ກິລາ​ໂອ​ລິ​ມປິກ​ຊິດ​ນີຄື 28 ຫລຽນ,​ໄດ້​ສ້າງ​ຜົນງານ​ໃໝ່​ຄັ້ງປະຫວັດສາດ.

      

​ໃນ​ການ​ແຂ່ງຂັນພາຍ​ເຮືອ 500 ​ແມັດ​ເພດ​ຊາຍ​ສອງ​ຄົນ​ຊິງ​ຊະນະ​ເລີດ,ທ້າວ​ເມ້ິງ​ກວນ​ຫລຽງ​ກັບ​ທ່ານ​ຢາງ​ເວ່ີນ​ຈຸ່ນ ນັກ​ກິລາ​ຈີນ​ຊິງ​ໄດ້​ແຊມ​ປຽນ​ດ້ວຍ​ຜົນງານ 1 ນາ​ທີ 40 ວິນາທີ 278.ນີ້​ແມ່ນ​ນັກ​ກິລາ​ຈີນ​ຊິງ​ໄດ້​ຫລຽນ​ຄຳ​ໃນ​ການ​ແຂ່ງຂັນ​ພາຍ​ເຮືອ​ໜັງ​ຂອງ​ງານ​ກິລາ​​ໂອ​ລິ​ມປິກ​ເປັນຄັ້ງທຳ​ອິດ.

​ໃນ​ການ​ແຂ່ງຂັນ​ເທ​ຄວນ​ໂດ​ເພດ​ຍິງ​ລຸ້ນ 67 ກິ​ໂລ​ລົງ​ລຸ່ມ​ຊິງ​ຊະນະ​ເລີດ,ນາງ​ໂລ​ເວີຍ ນັກ​ກິລາ​ຈີນ​ໄດ້​ເອົາ​ຊະນະ​ນາງມິສທາກີສ ນັກກິລາເຈົ້າພາບດ້ວຍຄະແນນ 7 ຕໍ່ 6,ແລ້ວຊິງໄດ້ແຊມປຽນ.

ໃນການແຂ່ງຂັນໂດດນ້ຳຈາກແທ່ນສູງ 10 ແມັດເພດຊາຍຊິງຊະນະເລີດ, ທ້າວຫູເຈຍ
ນັກກິລາຈີນຊິງໄດ້ຊະນະເລີດດ້ວຍຜົນງານລວມ748,08.ທ້າວຖຽນລຽງ ນັກກິລາຈີນ
ອີກຜູ່ໜ່ຶງຊິງໄດ້ຫລຽນທອງຂອງການແຂ່ງຂັນລາຍນີ້.

ໃນການແຂ່ງຂັນບານສ່ົງເພດຍິງ,ໃຕ້ສະພາບການທ່ີເສຍສອງເກມກ່ອນ,ທີມບານສ່ົງ
ເພດຍິງຈີນໄດ້ປີ້ນຄືນສາມເກມ,ເອົາຊະນະທີມລັດເຊຍດ້ວຍຄະແນນ 3 ຕໍ່ 2, ແລ້ວ
ໄດ້ເປັນແຊມປຽນ.ນີ້ແມ່ນທີມບານສ່ົງເພດຍິງຈີນຊິງໄດ້ຫລຽນຄຳຂອງງານກິລາໂອ
ລິມປິກເປັນຄັ້ງທີສອງພາຍຫລັງປີ 1984.

ທີ​ມບານ​ສ່ົງ​ເພດ​ຍິງ​ຈີນ​ຖ່າຍຮູບ​ໝູ່​ຢູ່​ເທີ​ງ​ແທ່ນ​ມອບ​ລາງວັນ

​ສະມາຊິກ​ທີ​ມຈີນ​ສະຫລອງ​ໄຊຊະນະ

​ສະມາຊິກ​ທີ​ມບານ​ສ່ົງ​​ເພດ​ຍິງຈີນທ່ີ​ໄດ້​ແຊມ​ປຽນ ດີ​ໃຈ​ຫລາຍ​ຈົນ​ກອດ​ຄໍ​ກັນ​ໄຫ້​

ວັນ​ທີ 28 ສິງຫາ,ນາງ​ເຝີ​ງຄຸນ ນັກ​ກິລາ​ທີ​ມຈີນກັບ​ໝູ່​ໃນ​ທີ​ມ​ກອດຊົມກັນ, ສະຫລອງ​ໄດ້​ເປັນ​ແຊມ​ປຽນ,ດີ​ໃຈ​ຈົນນ້ຳຕາ​ເຕັມເບົ້າ.

ໃນການແຂ່ງຂັນລາຍການອ່ືນໆ,ທີມອັກຊັງຕິນໄດ້ຮັບຫລຽນຄຳໃນລາຍການບານບ້ວງ
ເພດຊາຍ;ທີມອາເມລິກາຊິງໄດ້ຫລຽນຄຳໃນບານບ້ວງເພດຍິງ;ທີມລັດເຊຍໄດ້ຫລຽນ
ຄຳໃນການແຂ່ງຂັນກາຍຍຳກຳໝູ່ຄະນະເກັ່ງຮອບດ້ານ;ທ້າວມະນັດ ບຸນຈຳນົງ ນັກກິລາ
​ໄທ​ໄດ້​ຫລຽນ​ຄຳ​ໃນ​ການ​ຊົກມວຍ​ເພດ​ຊາຍ​ລຸ້ນ 64 ກິ​​ໂລ.

ນັບ​ມາ​ຮອດ​ເວລາ 20 ​ໂມງ​ເຄິ່ງວັນ​ທີ 29 ​ເວລາ​ປັກ​ກ່ິງ,ຄະນະ​ນັກ​ກິລາ​ຈີນ​​ໄດ້ຫລຽນຄຳ 31 ຫລຽນ ຫລຽນ​ເງິນ 17 ຫລຽນ ຫລຽນ​ທອງ 14 ຫລຽນ​,ເປັນ​ທີ​ສອງ​ຕໍ່​ມາ;ຄະນະນັກກິລາອາເມລິກາ​ໄດ້ຫລຽນຄຳ 34 ຫລຽນ ຫລຽນເງິນ 38 ຫລຽນແລະຫລຽນທອງ 28 ຫລຽນ,ເປັນ​ທີ​ໜ່ຶງ;ຄະນະນັກກິລາ ລັດເຊຍ​ໄດ້ ຫລຽນຄຳ 24 ຫລຽນ ຫລຽນເງິນ 26 ຫລຽນແລະ ຫລຽນທອງ 37 ຫລຽນ,ເປັນ ທີສາມ.

ວັນທີ 29 ສິງຫາ ເວລາທ້ອງຖ່ິນ,ງານກິລາໂອລິມປິກຄັ້ງນີ້ຈະປິດ​ງານ,ມື້ນີ້ຈະກຳ ເນີດຫລຽນຄຳ 17 ຫລຽນ.ໃນພິທີປິດງານ,ຜູ່ຕາງໜ້ານະຄອນປັກກ່ິງ ເມືອງເຈົ້າ ພາບຈັດງານກິລາໂອລິມປິກປີ 2008 ຈະຮັບເອົາທຸງ 5 ບ້ວງ,ແລະສະແດງສິນລະ ປະກຳປະມານ 8 ນາທີ.