ຕາມ​ຂ່າວCRI ,ວັນ​ທີ 28 ສິງຫາ,ການ​ແຂ່ງຂັນ​​ໃນ​ງານ​ກິລາ​ໂອ​ລິ​ມປິກ​ອາ​ແຕນ​ໄດ້​ມື້​ທີ 15 ,ທ້າວ​ຢາງ​ເວ່ີນ​ຢຸນ​ແລະ​ທ້າ​ນ​ເມີ້​ງກວານ​ສຽງ ນັກ​ກິລາ​ຈີນ​ຊິງ​ໄດ້​ຫຼຽນ​ຄຳ​ໃນ​ການ​ແຂ​່ງຂັນ​ພາຍ​ເຮືອ​ 500 ​ແມັດສອງ​ຄົນ​​ເພດ​ຊາຍ.

ນີ້​ແມ່ນ​ນັກ​ກິລາ​ຈີນ​ໄດ້​​ແຊມ​ປຽນ​ພາຍ​ເຮືອ​ຂອງ​ງານ​ກິລາ​ໂອ​ລິ​ມປິກ​ເປັນ​ຄັ້ງ​ທຳ​ອິດ.
ໃນ​ການ​ແຂ່ງຂັນ​​ອ່ືນໆ​ໄດ້​ສິ້ນ​ສຸດ​ລົງ​ໃນ​ວັນ​ທີ 28 ສິງຫາ,​ໃນ​ການ​ແຂ່ງຂັນພາຍ​ເຮືອ; 500 ​ແມັດ​ສອງ​ຄົນ​ເພດ​ຍິງ,ນາງ​ຈ່ົງ​​​ໂຮ​ຢັ້ນ​ແລະ​ນາງ​ຊິລິນ ນັກ​ກິລາ​​ພາຍ​ເຮືອ​ຂອງ​ຈີນໄດ້​​ທີ 4 ​,ທິມ​ບານບ້ວງ​ເພດ​ຊາຍ​ຈີນເສຍ​​ໃຫ້​ທິມ​ແອ​ສປາຍ​ອີກ​ດ້ວຍ​ຄະ​ແນນ 76 ຕໍ່ 92,​ ​ໄດ້​​ທີ 8 ​ໃນ​ການແຂ່ງຂັນບານບ້ວງ​​ເພດ​ຊາຍ​ຂອງ​ງານ​ກິລາ​ໂອ​ລິ​ມປິກ​ຄັ້ງ​ນີ້.

ໃນ​ການ​ແຂ່ງຂັນ​ຊິງບານ​ເຕະ​ເພດ​ຊາຍ​ຊະນະ​ເລີດ​,ທິມອັກ​ຊັງ​ຕີນ​​ຊະນະ​ທິມປາ​ລາກ​ວາຍ​ດ້ວຍ​ຄະ​ແນນ 1 ຕໍ່ 0 ​​ແລ້ວ​ໄດ້​ແຊມ​ປຽນ​,ນີ້​​ແມ່ນຫຼຽນ​ຄຳ​ຫຼຽນ​ທຳ​ອິດ​ທ່ີ​ທິມອັກ​ຊັງ​ຕີນ​ຊິງ​ໄດ້ຮັບໃນ​ງານ​ກິລາ​ໂອ​ລິ​ມປິກ​​ແຕ່​ປີ 1952 ມາ​ນີ້.

ວັນ​ທີ 27 ສິງຫາ,ຄະນະນັກ​ກິລາ​ຈີນ​ຊິງ​ໄດ້​ຫຼຽນ​ຄຳ​ 2 ຫຼຽນ​ໃນ​​ການ​ແຂ່ງຂັນກິລາແລ່ນ​ແລະ​ລານ​ເຊ່ິງ​ເປັນກິລາ​ທ່າ​ອ່ອນ​ຂອງ​ຈີນ,​ໃນ​ນັ້ນ,ທ້າວ​ລິວສຽງໄດ້້ ຫຼຽນ​ຄຳ​ເປັນ​ຫຼຽນ​ທຳ​ອິດໃນການ​ແຂ່ງຂັນ​ແລ່ນ​ຂ້າມ​ຮົ້ວ 110 ​ແມັດ​ເພດ​ຊາຍທ່ີ​ຖືກ​ນັກ​ກິລາ​ເອີ​ລົບ​​ອາ​ເມ​ລິ​ກາ​ຜູກຂາດຕະຫຼອດ​ມາ​ນັ້ນ​ດ້ວຍຜົນງານ 12 ວິນາທີ 91 ອັນ​ໄດ້້​ສະ​ເຫມີ​ກັບ​ສະ​ຖິຕິ​ໂລກ​ທ່ີ​ທ້າວ​​ແຈັກ​ເຊິ​ນ ​ໂຄ​ລິນ ນັກ​ກິລາ​ອັງກິດ​ໄດຄອງ​ມາ 11 ປີ,ນີ້​ກໍ່​ແມ່ນ​​ຫຼຽນ​ຄຳ​ກິລາ​ແລ່ນ​ແລະ​ລານ​ຫຼຽນ​ທຳ​ອິດ​ທ່ີ​ນັກ​ກິລາ​ເພດ​ຊາຍ​ຂອງ​ຈີນ​ໄດ້​ຮັບ​ໃນ​ງານ​ກິລາ​ໂອ​ລິ​ມປິກ​ທຸກ​ສະ​ໄຫມທ່ີ​ຜ່ານ​ມາ,,ນາງຊິງຮຸ້ຍນ້າ ນັກ​ກິລາ​ຈີນ​ໄດ້​ແຊມ​ປຽນ​ໃນ​ການ​ແຂ່ງຂັນ​ແລ່ນ​1ຫມ່ືນ​ແມັດ​ເພດຍິງດ້ວຍ​ຜົນງານ 30 ນາທີ 24 ວິນາທີ 36

​​.
ນັບ​ມາ​ຮອດຕອນ​ແລງ 5 ​ໂມງ​ເຄ່ິງ​ເວລາປັກ​ກ່ິງ,ທິມອາ​ເມ​ລິ​ກາ​ຊິງ​ໄດ້​ຫຼຽນ​ຫຼາ​ຍທີ​ຫນ່ຶງ​ຄື​ໄດ້​ຫຼຽນ​ຄຳ 29 ຫຼຽນ ຫຼຽນ​ເງິນ 34 ຫຼຽນ​; ຫຼຽນ​ທອງ 27 ຫຼຽນ,.ທິມຈີນ​ໄດ້​ທີ​ສອງຄື​ຫຼຽນ​ຄຳ 28 ຫຼຽນຫຼຽນ​​ເງິນ 17 ຫຼຽນ ຫຼຽນ​ທອງ 13 ຫຼຽນ,ທິມລັດ​ເຊຍ​​ໄດ້​ທີ​ສາມຄື​ໄດ້​ຫຼຽນ​ຄຳ 17 ຫຼຽນ ຫຼຽນ​​ເງິນ 23 ຫຼຽນ ຫຼຽນ​ທອງ 30 ຫຼຽນ,