ທ່ານລິວຈ້ຽນຊາວເວົ້າວ່າ,ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງສາມາດສືບຕໍ່ໃຊ້
ທ່າທີອັນຄ່ອງແຄ້ວແລະຕິດແທດຕົວຈິງ,ຍຶດໝັ້ນຂະບວນວິວັດການເຈລະຈາສັນຕິ
ພາບ,ທັງຕັງໜ້າພິຈາລະນາເຖິງຄວາມສົນໃຈເຊິ່ງກັນແລະກັນ,ໃນທີ່ສຸດຊອກໄດ້ວິທີ
ແກ້ໄຂທີ່ສອດຄ່ອງກັບຜົນປະໂຫຍດຂອງບັນດາຝ່າຍແລະບັນດາຝ່າຍຮັບເອົາໄດ້.

ການແຈ້ງຂ່າວທີ່ກ່ຽວຂ້ອງເວົ້າວ່າ,ສປປເກົາຫຼີສະເໜີອອກຖືການທີ່ທະຫານອາເມລິ
ກາປະຈຳສາທາລະນະລັດເກົາຫຼີຖອນອອກຈາກແຫຼມເກົາຫຼີເປັນເງື່ອນໄຂໃໝ່ທີ່ສປປ
ເກົາຫຼີປະລະແຜນການນິວເຄຼຍ. ກ່ຽວກັບເລື່ອງນີ້,ທ່ານລິວຈ້ຽນຊາວກ່າວວ່າ,ຝ່າຍຈີນ
ໄດ້ເອົາໃຈໃສ່ຂ່າວນີ້ແລ້ວ.ທ່ານເຫັນວ່າ,ແກນກາງຂອງບັນຫາດັ່ງກ່າວແມ່ນຄວາມສົນ
ໃຈນຳຄວາມປອດໄພຂອງຝ່າຍສປປເກົາຫຼີ.ແຕ່ໃດມາ,ຝ່າຍຈີນກໍ່ມີເຈດຈຳນົງວ່າ,ການ
ແກ້ໄຂບັນຫານິວເຄຼຍແຫຼມເກົາຫຼີ,ຕ້ອງເຮັດໃຫ້ແຫຼມເກົາຫຼີປອດນິວເຄຼຍ,ທັງຕ້ອງແກ້
ໄຂຄວາມສົນໃຈທີ່ສົມເຫດສົມຜົນຂອງສປປເກົາຫຼີກ່ຽວກັບຄວາມປອດໄພ,ນີ້ກໍ່ແມ່ນ
ດ້ານສຳຄັນທີ່ສຸດໃນການແກ້ໄຂບັນຫານິວເຄຼຍແຫຼມເກົາຫຼີ.