ຂ່າວສານຊິນຮວາລາຍງານວ່າ,ວັນທີ 30 ມັງກອນ,ກົມໃຫຍ່ຕິດຕາມກວດກາຄຸນນະພາບ
ແລະພະຍາດແຫ່ງຊາດຈີນໄດ້ອອກປະກາດແຈ້ງການດ່ວນ,ຮຽກຮ້ອງໃຫ້ເຊົາຂາຍສັດປີກ
ນົກ ແລະຜະລິດຕະພັນສັດປີກຂອງ ແຂວງຫູເປ ຫູນານໃຫ້ຕ່າງປະເທດໃນທັນທີ,ແລະ
ເຊົາຂາຍສັດປີກ ນົກແລະຜະລິດຕະພັນສັດປີກຂອງ 3 ແຂວງ ນະຄອນເຊ່ັນ:ແຂວງອານ
ອຸຍ ນະຄອນຊຽງໄຮ້ແລະແຂວງກວາງຕຸ້ງໄປຕ່າງປະເທດແລະຮົງກົງ ມາກາວຊ່ົວຄາວ.

ກະຊວງການຄ້າຂອງຈີນກໍ່ຮຽກຮ້ອງໃຫ້ແຫ່ງຕ່າງໆເພ່ີມທະວີການຄຸ້ມຄອງການຈໍລະຈອນ
ຕະຫຼາດແລະປ້ອງກັນໄຂ້ຫວັດໃຫຍ່ຂອງສັດປີກຢ່າງເຂັ້ມງວດ.ເພື່ອເພ່ີມທະວີການນຳພາ
ການຈັດຕັ້ງວຽກງານປ້ອງກັນແລະປ່ິນປົວ ໄຂ້ຫວັດໃຫຍ່ສັດປີກທີ່ຕິດແປດງ່າຍ ວັນທີ30
ມັງກອນ, ຄະນະລັດຖະບານຈີນຕົກລົງສ້າງຕັ້ງກອງບັນຊາການໃຫຍ່ທີ່ປ້ອງກັນແລະປ່ິນ
ປົວໄຂ້ຫວັດໃຫຍ່ສັດປີກທີ່ຕິດແປດງ່າຍ,

ຫລັງຈາກເຂດອູຊວຍແຂວງຫູເປ ແລະເຂດອູກາງແຂວງຫູນານ ເກີດໄຂ້ຫວັດໃຫຍ່ສັດ
ປີກທີ່ຕິດແປດງ່າຍແລ້ວ,ອົງການປົກຄອງທ້ອງຖ່ິນໃຊ້ມາດຕະການຢ່າງບັງເກີດຜົນໃນທັນ
ທີແລະອອກແຮງດັບພະຍາດ,ນັບມາຮອດຕອນຮຸ່ງເຊົ້າວັນທີ 31 ສັດປີກທັງຫມົດໃນເຂດ
ທີ່ມີຍາດລະບາດຖືກຂ້າຫມົດ,ສະພາບການພະຍາດບໍ່ໄດ້ແຜ່ລະບາດ,ອົງການປົກຄອງ
ທ້ອງຖ່ິນທີ່ປະກົດເຫັນໄຂ້ຫວັດໃຫຍ່ສັດປີກທີ່ຕິດແປດງ່າຍເຊ່ັນແຂວງອານອຸຍ ແຂວງ
ກວາງຕຸ້ງແລະນະຄອນຊຽງໄຮ້ໄດ້ຂ້າສັດປີກທີ່ມີພະຍາດແລະໃຊ້ມາດຕະການຕ້ານພະ
ຍາດຢ່າງບັງເກີດຜົນໃນທັນທີ.

ມື້ວານນີ້ອົງການຟາວສະຫະປະຊາຊາດໄດ້ຮຽກຮ້ອງໃຫ້ປະຊາຄົມໂລກສະຫນອງການ
ຊ່ອຍເຫຼືອໃຫ້ປະເທດທີ່ຖືກຜົນສະທ້ອນຈາກໄຂ້ຫວັດໃຫຍ່ສັດປີກ,ເພື່ອຮັບປະກັນການ
ຄວບຄຸມໄຂ້ຫວັດໃຫຍ່ສັດປີກຢ່າງທັນການ.

ມື້ວານນີ້,ອົງການອະນາໄມໂລກປະກາດວ່າ,ໄວລັສຂອງໄຂ້ຫວັດໃຫຍ່ສັດປີກອາດຈະ
ເກີດຂຶ້ນໃນເດືອນເມສາປີກາຍ,ໃນ 9 ເດືອນມານີ້,ມັນມີການປ່ຽນແປງບໍ່ຫຼາຍປານໃດ,
ທັງນີຫມາຍຄວາມວ່າ,ເວລາທີ່ໄວລັສຕິດກັບມວນມະນຸດນັ້ນຈະດົນກວ່າເວລາທີ່ຜູ້ຊ່ຽວ
ຊານຄາດຄະເນ.

ນອກນີ້,ຕາມຂ່າວແຈ້ງວ່າ,ນັບມາຮອດວັນທີ 30 ມັງກອນ,ສະພາບພະຍາດໄຂ້ຫວັດໃຫຍ່
ສັດປີກໄດ້ຮັບການຄວບຄຸມແລ້ວໃນບາງປະເທດເຊ່ັນຍ່ີປຸ່ນເປັນຕົ້ນ.ແຕ່ໃນປະເທດໄທ,
ຫວຽດນາມແລະປະເທດອື່ນໆພັດມີທ່ວງທ່ານັບມື້ນັບຮ້າຍແຮງ,ບັນດາປະເທດພວມຂຸ້ນ
ຂ້ຽວໃຊ້ມາດຕະການປ້ອງກັນແລະຄວບຄຸມ,ປ້ອງກັນບໍ່ໃຫ້ໄຂ້ຫວັດໃຫຍ່ສັດປີກແຜ່ລະ
ບາດ.

ນອກນີ້,ຂ່າວແຈ້ງວ່າ,ວັນທີ 30 ມັງກອນ,ໃນງານຟັງຄຳຢືືນຢັນທີ່ຄະນະກຳມາທິການວຽກ
ງານກະສິກຳຂອງລັດຖະສະພາເປັນຜູ້ຈັດຂຶ້ນ,ທ່ານບີນກາລານ.ຊາລາກີ ລັດຖະມົນຕີກະ
ຊວງກະສິກຳອິນໂດເນເຊຍປະກາດວ່າ,ເນື່ອງຈາກສະພາບໄຂ້ຫວັດໃຫຍ່ສັດປີກຂອງອິນ
ໂດເນເຊຍນັບມື້ນັບໜັກໜ່ວງ,ລັດຖະບານປະກາດຈັດໄຂ້ຫວັດໃຫຍ່ສັດປີກເປັນໂລກຫ່າ
ໃນຂອບເຂດທົ່ວປະເທດ,ຮຽກຮ້ອງໃຫ້ທົ່ວປວງຊົນດຳເນີນການເຄື່ອນໄຫວ,ຕັ້ງໜ້າປ້ອງ
ກັນພະຍາດ.

ທ່ານຊາລາກີເວົ້າວ່າໄຂ້ຫວັດໃຫຍ່ສັດປີກໄດ້ເຮັດໃຫ້ໄກ່ຫຼາຍລ້ານໂຕໃນທົ່ວປະເທດຕາຍ,
ນັບລວມແລ້ວ,ໄດ້ເສຍຫາຍປະມານ950ລ້ານໂດລາສະຫະລັດພ້ອມກັນນັ້ນຍັງໄດ້ເຮັດໃຫ້
1ລ້ານ2ແສນ5ໝື່ນຄົນຫວ່າງງານ.